ئەندامانی كۆمەڵەی عێراقی بۆ كاروباری دەرەوە، چاویان كەوت بە بەڕێز سەید عەمار ئەلحەكیم سەرۆكی ڕەوتی حیكمەی نیشتمانی، لەم دیدارە دۆسێیەكانی سیاسەتی دەرەوە و ئاسایش و ئابووری و كەش و هەوا گرنگترین تەوەر و باسەكانی ئەم چاوپێكەوتنە بوون.
لەسەرەتای چاوپێكەوتنەكە بەڕێز ئەلحەكیم پیرۆزبایی دەستپێكی كارەكانی كۆمەڵەی عێراقی كرد و داوای كرد كەش و هەوای دیموكراتی بقۆزنەوە بۆ بەردەوام بوون لەم جۆرە پڕۆژانە كە پشتگیری كاری دامودەزگاكانی حكومەت دەكەن.
سەید ئەلحەكیم دووپاتی كردەوە كە گرنگە عێراق پارێزگاری لە پێگەی خۆی لە هاوكێشەی هەرێمی و ناوچەكە بكات، وەك ئاڵقەیەكی بەیەك گەیشتنی نەیارەكانی ناوچەكە و گۆڕەپانێكی بەیەك گەیشتن، نەك ناوچەیەكی ئاژاوە و ململانێ، سەماحەتی ئاماژەشی كرد كە گرنگە ئاسایش و سەقامگیری وڵات پتەوتر بكرێت، لەبەر ئەوەی بەم شێوەیە دەتوانین ئاوەدان كردنەوە و گەشەپێدان و ڕەزامەندی میللەت بەدەست بهێنین، ڕوونیشی كردەوە كە عێراق بەردەوامە لەسەر كاركردن بۆ كۆتایی پێ هێنانی ئەركی هاوپەیمانێتی نێودەوڵەتی بۆ ڕووبەڕووبوونەوەی داعشی تیرۆریست و گواستنەوەی ئەو پەیوەندییە بۆ پەیوەندی دوو قۆڵی نێوان عێراق و چەند وڵاتێكی هاوپەیمانێتییەكە.
سەبارەت بە كەش و هەوا، ئەندامانی كۆمەڵەی عێراقی بۆ كاروباری دەرەوە گرنگی ئاڵوگۆڕكردنی ئەزموون و تاقیكردنەوەكانیان لەڕووبەرووبوونەوەی ڕكابەرییان دووپات كردەوە، داواشیان كرد سیستەمێكی تایبەتی هەرێمی دابمەزرێت بۆ ئەوەی زیانەكان كەم بكاتەوە.